Os cursos ofertados realízanse “en liña” a través da plataforma de formación de ANPE Galicia. Terás acceso en calquera momento aos contidos de cada curso, ademais dos diferentes elementos que formen parte del (foros, materiais descargables, sistemas de mensaxería, etc.). A avaliación dos participantes farase a partir dos traballos prácticos, a realización de tarefas parciais, a conexión regular á plataforma xunto coa participación activa, o informe dos titores e a realización dun proxecto final..

Todas as dúbidas que teñas resolveranse por parte do profesorado responsable da titorización de cada actividade. Poderás contactar a través de foros, mensaxes enviadas dentro da propia plataforma ou por correo electrónico. Tamén se encargarán de xestionar os contidos do curso, dinamizar, orientar, revisar as tarefas propostas e avaliar a todos/ as os participantes.