ANPE Sindicato Independiente estableceu un convenio coa Universidad Nacional de Educación a Distancia (UNED), para ofrecer cursos de formación e probas de certificación para a obtención dos títulos B1, B2, C1 e C2 en distintos idiomas (inglés, francés, alemán, portugués, italiano, linguas cooficiais, etc).

Idiomas: O CUID, Centro Universitario de Idiomas Digital y a Distancia da UNED promove a aprendizaxe de idiomas (incluídos o español e as linguas cooficiais de España), en colaboración cos centros asociados colaboradores. Os niveis están adaptados aos do Marco Común Europeo de Referencia para as Linguas ( MCERL).

Acreditación e recoñecemento: O CUID emite un certificado gratuíto por cada nivel superado. Os certificados inclúen un código de verificación cuxa autenticidade poderá ser comprobada por calquera organismo, e teñen o mesmo recoñecemento académico que o diploma, tamén dispoñible abonando 20€.

Válido para sexenios: O Ministerio de Educación, na Orde EDU/2886/2011, recoñece os certificados de calquera nivel do CUID a efectos de acreditación de formación permanente. A valoración será de 100 horas de formación por nivel, aplicables a concursos de traslados e sexenios. As persoas que desexen este recoñecemento deben solicitalo a través do campus virtual da UNED.