Preinscripción

Como actuar antes as urxencias e emerxencias máis comúns nun centro educativo. Dotar de habilidades para a atención inmediata nunha situación de alteración brusca da saúde de xeito que o impacto sexa o menor posible, sen poñer en risco a seguridade propia.

Obxectivos

• Manexo das alteracións da saúde máis frecuentes na infancia e adolescencia: traumatismos, convulsións, alteracións respiratorias (asma), alerxias.
• Manexo da patoloxía non urxente: corpo estraño, caídas, febre, queimaduras, pequenos sangrados.
• Coñecemento e manexo das complicacións máis comúns que debutan na infancia e adolescencia: diabetes, epilepsia.
• Protexer, avisar, socorrer: entrenamento nos pilares básicos da atención urxente.
• Practicar as manobras básicas de urxencia: Posición Lateral de Seguridade, Manobra de Heimlich, Manobras de Recuperación Cardiopulmonar (RCP)

Contidos

1. Situacións urxentes e accidentes máis comúns na infancia e a adolescencia, como actuar.
   – Traumatismos
   – Urxencias oculares, óticas, nasais, odontolóxicas
   – Intoxicacións
   – Atragantamento: manobra de Heimlich por idades.
   – Alteracións neurolóxicas: convulsións
2. Actuación urxente ante enfermidades crónicas.
   – Diabetes
   – Asma
   – Alerxias
   – Neno oncolóxico
   – Neno epiléptico
   – Outros: cardiopatía conxénita, fibrose quística.
3. Actuación urxente ante problemas de saúde comúns:
   – Procesos febrís
   – Feridas e contusións
   – Náuseas e vómitos, dor abdominal, diarrea
4. Que facer e que non facer ante unha situación urxente.
   – P.A.S
   – Chamada eficaz ao 112
   – Posición lateral de seguridade
   – Manobras de resucitación cardiopulmonar
   – Que é un DESA/DEA e como utilizalo

Relatores/as

• María Emma Rodríguez Corte. Enfermeira especialista en Enfermería Familiar e Comunitaria, enfermeira no servizo de Urxencias Adultos do Hospital de Montecelo.
• Miguel Ángel Lázaro Míguez. Enfermeiro Supervisor de Urxencias Pediátricas no Hospital Provincial de Pontevedra.

Como preinscribirse

1. No apartado QUENDA, seleccione a data desta actividade.
2. Pulse en ENGADIR AO CARRIÑO.
3. Pulse no icono da esquina superior dereita e logo en FINALIZAR PREINSCRICIÓN.
4. Se xa se inscribiu anteriormente nalgunha das nosas actividades acceda co seu NOME DE USUARIO (NIF) e CONTRASINAL e sega as instrucións* que aparecen en pantalla.
5. Se é a primeira vez que se inscribe nos nosos cursos, complete os datos no apartado REXISTRARSE (NIF, correo electrónico e Contrasinal) e pulse en REXISTRARSE. IMPORTANTE: Despois de enviar estes datos, recibirá unha mensaxe no seu correo electrónico cunha ligazón que deberá pulsar para activar a súa conta de forma definitiva. Revise a carpeta de SPAM se non a atopa na de entrada. Por último, repita os pasos 1, 2 e 3 e, tras anotar o seu NOME DE USUARIO e CONTRASINAL, sega as intrucións* que aparecen en pantalla.

*Todas as persoas inscritas deberan aportar documentación específica durante o proceso de rexistro (unha copia do seu NIF e un documento que mostre a súa situación laboral – unha copia dunha nómina ou cabeceira desta, un nomeamento, unha captura de pantalla de datos persoais– ou académica –título universitario– se se trata de persoas non docentes).

Unha vez enviada a preinscrición, ANPE Pontevedra poñerase en contacto con vostede para formalizar a súa matrícula e realizar o pago correspondente.

Se ten algún problema ou dúbida sobre esta actividade, contacte directamente con ANPE Pontevedra (986437043- pontevedra@anpe.es)