Preinscripción

Co novo contexto educativo orixinado pola situación de pandemia na que estamos a vivir, a dixitalización educativa pasou a presentarse como unha prioridade dentro da evolución do ensino. Da aula tradicional estamos a movernos cara a aula dixital na que novas metodoloxías, procedementos e materiais fanse presentes para o uso diario por parte de docentes e alumnado. Nestas xornadas de carácter exclusivamente virtual, teremos a oportunidade de coñecer e revisar algúns dos elementos que formarán parte do noso futuro educativo.

Obxectivos

• Apoiar e impulsar ao profesorado na implementación de tecnoloxías dixitais nos procesos de ensino-aprendizaxe.
• Reflexionar sobre diferentes propostas metodolóxicas que poden servir para a integración das tecnoloxías no ensino.
• Mostrar experiencias de boas prácticas con tecnoloxía dixital.

Contidos

• A implementación das aulas e libros dixitais.
• Gamificación na aula.
• Creación de cursos dixitais para unha aprendizaxe significativa.
• Modelos educativos con tecnoloxías móbiles.
• Procesos de adaptación nos centros educativos.
• Actualidade e cuestións relacionadas co contexto educativo en Galicia.

Ponentes

• Jairo Campo, mestre no CEIP Virxe do Carme (Burela – Lugo) e experto en TIC e gamificación.
• María Comín, responsable de educación pública en Microsoft.
• Eva Freijeiro, deseñadora instruccional en Ideaspropias Editorial.
• Andrés Fuentes, formador en competencias dixitais do profesorado. Google trainer e Microsoft Innovator Educator.
• Adrian González, deseñador gráfico en Ideaspropias Editorial.
• Luis Miguel Olivas, Director global dos programas de Empregabilidade e Innovación Educativa na Fundación Telefónica.
• Julio César Trashorras, videpresidente de ANPE Galicia.
• José Francisco Venzalá, vicepresidente de ANPE Nacional e membro do Consello Escolar do Estado.

Como preinscribirse

1. No apartado TURNOS, seleccione a data desta actividade.
2. Pulse en ENGADIR AO CARRIÑO.
3. Pulse no icono da esquina superior dereita e logo en FINALIZAR PREINSCRICIÓN.
4. Se xa se inscribiu anteriormente nalgunha das nosas actividades acceda co seu NOME DE USUARIO (NIF) e CONTRASINAL. Se é a primeira vez que se inscribe nos nosos cursos complete os datos para REXISTRARSE* e siga as instruccións que lle saian na pantalla. IMPORTANTE: Despois de rematar o seu rexistro, terá que activar todo o proceso dende unha mensaxe que chegará ao seu correo electrónico.
5. Unha vez que teña accedido ou rexistrado, sega as instruccións que aparecen en pantalla para enviar a súa inscrición. Lembre que todas as inscricións deberán ser validadas posteriormente segundo os criterios de acceso marcadas para asistir a esta actividade de formación.

*Os usuarios non rexistrados deben aportar documentación específica durante o proceso de rexistro (unha copia do seu NIF e un documento que mostre a súa situación laboral ou académica).

Unha vez enviada a preinscrición, poñeremonos en contacto con vostede para formalizar a súa matrícula e realizar o pago correspondente.