Preinscripción

As xornadas abordarán estratexias, ferramentas e o uso ético da intelixencia artificial para fomentar a educación inclusiva e a atención á diversidade, ademais de promover o benestar emocional nas aulas e analizar os retos actuais do sistema educativo a través de expertos no ámbito tecnolóxico e pedagóxico.

Obxectivos

• Mostrar diferentes ferramentas usadas para favorecer a inclusión de todo o alumnado.
• Reflexionar sobre o significado da educación inclusiva a partir da evidencia científica e da experiencia dos propios protagonistas da inclusión educativa.
• Analizar as principais barreiras e facilitadores que condicionan o desenvolvemento de prácticas inclusivas nos centros educativos.
• Compartir evidencias científicas que permitan comprender os principais retos e oportunidades da educación inclusiva.
• Proporcionar estratexias e orientacións para avanzar cara a culturas, políticas e prácticas educativas máis inclusivas.
• Compartir experiencias de inclusión e atención á diversidade.

Contidos

1. Metodoloxías activas
2. Creación de espazos de inclusión
3. Participación da comunidade
4. Protagonismo do alumnado e do profesorado
5. Ferramentas para lograr a inclusión:
   • Distribución do alumnado, reforzos e apoios.
   • A educación emocional: semana do benestar emocional e convivencia, raíces de fortalezas e autoestima.
   • Outras ferramentas: Proxecto Neo, etc.
6. A educación inclusiva: de que falamos cando falamos de inclusión?
7. Son realmente inclusivos os nosos centros educativos? Unha ollada á realidade actual.
8. As voces dos docentes, o alumnado e as comunidades educativas.
9. Barreiras que dificultan a inclusión nos centros educativos.
10. Estratexias para construír escolas máis inclusivas desde a práctica docente.
11. Uso ético e práctico da Intelixencia Artificial na aula.

Relatores/as

• María Comín Mayordomo
• Irene Crestar Fariña
• Edelmira María Parga Fariña
• Yolanda Barallobre Ferreño
• Susana Vázquez Regueiro
• José Francisco Venzalá González

Como preinscribirse

1. No apartado QUENDA, seleccione a data desta actividade.
2. Pulse en ENGADIR AO CARRIÑO.
3. Pulse no icono da esquina superior dereita e logo en FINALIZAR PREINSCRICIÓN.
4. Se xa se inscribiu anteriormente nalgunha das nosas actividades acceda co seu NOME DE USUARIO (NIF) e CONTRASINAL e sega as instrucións* que aparecen en pantalla.
5. Se é a primeira vez que se inscribe nos nosos cursos, complete os datos no apartado REXISTRARSE (NIF, correo electrónico e Contrasinal) e pulse en REXISTRARSE. IMPORTANTE: Despois de enviar estes datos, recibirá unha mensaxe no seu correo electrónico cunha ligazón que deberá pulsar para activar a súa conta de forma definitiva. Revise a carpeta de SPAM se non a atopa na de entrada. Por último, repita os pasos 1, 2 e 3 e, tras anotar o seu NOME DE USUARIO e CONTRASINAL, sega as intrucións* que aparecen en pantalla.

*Todas as persoas inscritas deberan aportar documentación específica durante o proceso de rexistro (unha copia do seu NIF e un documento que mostre a súa situación laboral – unha copia dunha nómina ou cabeceira desta, un nomeamento, unha captura de pantalla de datos persoais– ou académica).

Unha vez enviada a preinscrición, ANPE Lugo poñerase en contacto con vostede para formalizar a súa matrícula e realizar o pago correspondente.

Se ten algúnha dúbida sobre esta actividade, contacte directamente con ANPE Lugo (982227912 – lugo@anpe.es)