Preinscripción

A aula dixital forma parte da nosa realidade educativa. A integración de diversas aplicacións interactivas foma parte activa no desenvolvemento das tarefas que se levan a cabo nas aulas en todas as etapas do ensino. A dixitalización educativa xa está presente nas programacións didácticas, polo que é imprescindible o coñecemento e a adquisicón de contidos, metodoloxías, materiais e técnicas específicas para acadar unha competencia real no seu uso. Nesta actividade de formación en rede, todos/as os/as asistentes terán a oportunidade de coñecer, integrar e aplicar para a aula, diversas ferramentas e recursos dixitais que melloran e transforman os usos e principios didácticos existentes no que se refire á tecnoloxía educativa.

Competencia Dixital Docente

Esta actividade é válida para acreditar o nivel B1 nas seguintes áreas:

• Contidos dixitais (área 2).
• Desenvolvemento da competencia dixital do alumnado (área 6).

Según o ACORDO asinado entre a Consellería de Educación e a nosa organización sindical o 11 de otubro de 2023, «transcorridos seis anos desde a sinatura (…), para o perfeccionamento do compoñente do complemento específico por formación, requirirase que o profesorado teña acadado o nivel B1 de competencia dixital docente«.

Obxectivos

• Coñecer, integrar e aplicar na aula distintas ferramentas e recursos dixitais para a mellora, transformación, aumento ou substitución de enfoques didácticos existentes.
• Adquirir e mobilizar as competencias dixitais docentes para a creación e elaboración de recursos dixitais propios facilitando por medio das mesmas o empoderamento do alumnado.
• Analizar, de forma crítica, a integración, posibilidades e limitacións de uso das ferramentas dixitais na aula.

Contidos

• O uso das TIC nas aulas actuais. Posibilidades e enfoques de aplicación.
• Utilización de ferramentas de mellora e aumento no proceso de innovación. Utilización de Flippity na aula. Integración de dinámicas activas por medio de ferramentas dixitais.
• Posibilidades dos vídeos didácticos. Principios básicos sobre edición e manexo de editores de vídeo.
• Montaxe de vídeos simples empregando elementos como cortes, transicións, montaxe e modificación sinxela de audio. Creación de títulos, subtítulos e créditos. Efectos básicos.
• Deseño de contidos interactivos dixitais integrables en LMS. O caso do H5P como vehículo de acceso aos contidos curriculares.
• Deseño e planificación de actividades por medio de H5P autocorrixibles. Posibilidades de combinación con metarrecursos H5P. Uso de libros dixitais propios elaborados por este medio.

IMPORTANTE: Para o módulo de edición de vídeo, recoméndase o uso dun equipo cos seguintes requisitios mínimos de potencia: CPU i7, 16GB de RAM ou equivalente.

Titor

• Fernando González Bao, mestre en Educación Primaria no CEIP Campomaior (Ordes – A Coruña), especializado en Procesos de Formación. Foi Asesor do departamento de Educación Dixital do CAFI (Círculo Platega). Titor de cursos de ensino mixto, actualización de ferramentas tecnolóxicas para docentes, así como liñas de robótica e ofimática en PFPP.

Como preinscribirse

1. No apartado QUENDAS, seleccione a data desta actividade.
2. Pulse en ENGADIR AO CARRIÑO.
3. Pulse no icono da esquina superior dereita e logo en FINALIZAR PREINSCRICIÓN.
4. Se xa se inscribiu anteriormente nalgunha das nosas actividades acceda co seu NOME DE USUARIO (NIF) e CONTRASINAL e sega as instrucións* que aparecen en pantalla.
5. Se é a primeira vez que se inscribe nos nosos cursos complete os datos no apartado REXISTRARSE (NIF, correo electrónico e Contrasinal) e pulse en REXISTRARSE. IMPORTANTE: Despois de enviar estes datos, recibirá unha mensaxe no seu correo electrónico cunha ligazón que deberá pulsar para activar a súa conta de forma definitiva. Revise a carpeta de SPAM se non a atopa na de entrada. Por último, repita os pasos 1, 2 e 3 e, tras anotar o seu NOME DE USUARIO e CONTRASINAL, sega as instrucións* que aparecen en pantalla.

*Todos os usuarios deben achegar documentación específica durante o proceso de preinscrición desta actividade (unha copia do seu NIF e un documento que mostre a súa situación laboral (docentes) –cunha copia dunha nómina ou cabeceira desta, nomeamento ou captura de pantalla de datos persoais-, ou unha copia da titulación académica para titulados/as sen experiencia docente).

Unha vez enviada a preinscrición, poñerémonos en contacto con vostede para formalizar a súa matrícula e realizar o pago correspondente.

Se ten algúnha dúbida ou problema, contacte directamente por correo electrónico con ANPE Galicia (formacion@anpegalicia.es).